click on images to know more about the Images
ᱦᱟᱨᱠᱮᱛ ᱥᱟᱱᱟᱢ... ᱩᱠᱩᱼ ᱫᱟᱱᱟᱝ ᱥᱚᱫᱚᱨ ᱵᱟᱲᱟᱭ
ᱜᱷᱟᱱᱮ ᱢᱚᱱᱮ ᱵᱷᱤᱛᱤᱨ ᱨᱮᱦᱚ ᱵᱟᱥᱟ ᱛᱟᱦᱮᱱᱟᱭ......
ᱢᱟᱲᱟᱝ ᱛᱮ ᱦᱩᱭ ᱵᱟᱹᱲᱤᱡ ᱫᱤᱥᱟᱹᱛᱮ ᱨᱟᱜ ᱦᱚᱢᱚᱨ ᱮ ᱟᱹᱪᱩᱨ,
ᱟᱡᱮᱸᱫ ᱟᱠᱟᱱ ᱵᱟᱨ ᱢᱮᱫ ᱠᱷᱱ ᱫᱩᱠᱷ ᱫᱟᱹ ᱦᱚᱭ ᱧᱩᱨ᱾
ᱨᱤᱢᱤᱞ ᱨᱮᱱᱟᱜ ᱡᱷᱢᱚᱨ ᱡᱟᱹᱲᱤ ᱜᱟᱱᱟᱰᱤᱸ ᱨᱮ ᱡᱚᱨᱚᱜ ᱞᱮᱠᱟ
ᱢᱟᱹᱱᱢᱤ ᱠᱳᱣᱟᱜ ᱡᱤᱭᱚᱱ ᱨᱮᱱᱟᱜ ᱚᱠᱛᱚ ᱦᱚ ᱞᱚᱜᱚᱱ ᱯᱚᱞᱚᱢ ᱜᱮᱭᱟ;
ᱯᱩᱨᱩᱵ-ᱯᱟᱹᱪᱷᱤᱢᱼ ᱩᱛᱟᱹᱨᱼ ᱫᱩᱠᱷᱤᱱ ᱠᱚᱭᱚᱜ ᱢᱮᱥᱮ ᱟᱢ
ᱦᱟᱦᱟᱲᱟ ᱥᱤᱨᱡᱟᱹᱱ,ᱢᱚᱦᱟᱨ ᱢᱮᱴᱟᱹᱳ ᱥᱟᱱᱟᱢ ᱨᱮᱜᱨᱢ ᱧᱟᱢ᱿
ᱵᱤᱨ ᱵᱩᱨᱩᱨᱮ ᱮᱸᱫᱮᱞᱼ ᱛᱤᱨᱤᱞᱼᱠᱟᱫᱟᱢ ᱫᱟᱨᱮ ᱟᱨ ᱛᱮᱜᱮ ᱪᱚᱭ ᱥᱚᱵᱷᱟᱭ,
ᱱᱟᱱᱟ ᱦᱩᱱᱟᱹᱨ ᱪᱷᱟᱹᱛᱱᱤ ᱵᱟᱦᱟ ᱥᱚᱸᱫᱷᱟᱹᱲ ᱥᱚᱛᱮ ᱯᱩᱨᱩᱭ ᱯᱩᱨᱩᱭ ᱦᱚᱭ ᱜᱮ ᱯᱟᱞᱮᱭ ᱨᱮᱭᱟᱲ᱾
ᱫᱷᱟᱹᱨᱛᱤ ᱨᱮᱱᱟᱜ ᱞᱮᱜᱜᱮ ᱠᱟᱱᱟ ᱚᱠᱛᱚ ᱮᱢᱟᱢ ᱜᱮᱭᱟᱭ
ᱚᱠᱛᱚ ᱯᱚᱞᱚᱢ ᱛᱟᱭᱚᱢ ᱟᱫᱚ ᱚᱠᱟᱜᱮ ᱵᱟᱭ ᱞᱟᱦᱟᱭ᱿
ᱚᱠᱛᱚ ᱨᱮᱜᱮ ᱫᱷᱱᱼ ᱫᱩᱨᱤᱵ ,ᱚᱠᱛᱚ ᱨᱮᱜᱮ ᱫᱟᱲᱮ
ᱚᱠᱛᱚ ᱨᱮᱜᱮ ᱱᱟᱯᱟᱭ ᱠᱟᱹᱢᱤ ᱯᱩᱨᱟᱹᱭ ᱛᱟᱢ ᱫᱚ ᱵᱟᱲᱮ᱾
ᱚᱠᱛᱚ ᱠᱷᱟᱹᱛᱤᱨ ᱟᱞᱚᱢ ᱜᱚᱨᱚᱵ,ᱟᱞᱚᱢ ᱩᱫᱩᱜ ᱟᱹᱲᱤᱥ
ᱚᱠᱛᱚ ᱟᱢᱟᱜ ᱯᱚᱞᱚᱢ ᱛᱮᱜᱮ ᱵᱤᱪᱟᱹᱨ ᱛᱟᱢᱟᱭ ᱵᱟᱹᱲᱤᱡ᱿
ᱢᱮᱱ ᱜᱟᱱᱚᱜᱼ ᱟ ᱛᱤᱱᱟᱹᱝ ᱠᱟᱛᱷᱟ, ᱥᱮ ᱵᱟᱝ ᱢᱤᱫ ᱨᱩᱛᱤ ᱠᱟᱹᱦᱟᱹᱱᱤ.....
ᱠᱩᱠᱢᱩ ᱞᱮᱠᱟ ᱛᱟᱦᱮ ᱠᱟᱛᱮᱜ ᱢᱤᱫ ᱵᱟᱨ ᱫᱤᱱ ᱟᱹᱪᱩᱨ ᱛᱮᱜᱮ
ᱚᱴᱟᱝ ᱟᱫᱚᱜ ᱥᱟᱱᱟᱢ ᱩᱭᱦᱟᱹᱨ,ᱵᱚᱦᱮᱞ ᱟᱠᱟᱱ ᱜᱟᱰᱟ ᱞᱮᱠᱟ
ᱱᱟᱯᱟᱭ ᱡᱚᱱᱚᱢ ᱵᱟᱝ ᱵᱩᱡᱷ ᱨᱮ ᱡᱷᱟᱹᱞᱤᱭ ᱜᱮᱭᱟᱢ ᱛᱚᱵᱮ ᱨᱟᱸᱜᱟᱹᱭᱱᱤ᱿